Ki damok wym tipmit da khyndang ki ya ka kari uwa thoh khubor deiwa tympiah ya ka yit dien wei da tooh ki ya ar tylli ki Laptop wa Hard Drive hei miet ka 26 tarik uni u bnai heipor kamwa 9:00 waje i miet wei kani ka kari toh kawa pynyieñ ha pchem ka Shillong Press Club, Lower Lachumiere, Shillong.
Uni uwa thoh khubor da tip kam u M. Nongkhlaw wei kani ka kari toh kawa em Number ML-05X-1788.
Najrong ar tylli ki Laptop wa ki Hard Drive, da tooh leh ya ki tiar wa em ha ka muna chirup wa kawi ka muna khian.
Neiliang u Nongkhlaw da ujor FIR u ha Sadar Police Station wei i takit da sdang i wow kem ya kiwa emkti.
Discussion about this post