Ka lympung yalehbol wa tip kam ka 30th Gold Cup Knockout Football Tournament 2024 wa pynman da ka Wapungskur Sports & Social Welfare Organisation (WSSWO) dapoi ko cha ka yakhun Final kawa daw pynman ha ka 29 tarik uni u bnai hapyrdi ka Rymbai Skhenshynriah SC pyrchah ya ka Kynsai Stream Fensing FT.
Kani ka yalehke toh kawa daw pynman ha ka madan yalehbol ka WSSWO kawa em ha Wapungskur, East Jaiñtia Hills District heipor 12:30 i sngi.
Ya kani ka yakun Final daw wan sakhi da u Deputy Chief Minister, ka sorkar jylla, u Sniawbhalang Dhar kam u kongsan wa u Phasmon Dkhar, EM JHADC kam u symbood kongsan.
Ha kani ka sngi daw pynkhle leh ya ka Lucky Draw ka WSSWO hadien wa kut ka kylla step ka yalehke.
Hei miet won daw em ka yaaw Fete kawa daw sdang nadooh 7:30 i heiwa daw wan pynwyrngia da u DJ Sen deiwa em leh ki Express Lucky Draw wa kiwi de ki pynwyrngia wei ym emkaam wow su bai psiah cha kani ka Fete
Discussion about this post