Chah dung ka kynthai wa na Assam hadooh wa yap pyn ha u chan ko ha Bengaluru

Ka kynthai wa dang 19 snem kawa na Assam da chah dung ko hadooh wa yap hapoh kawi ka Service Apartment wa em ha Bengaluru iwa da leh pyn da u chan ko wei da chem yei metyap ko hadien le sngi napoh kani ka jooh ka thaw.

Kini ki chi jur toh ka Maya Gogoi wa u Aarav Harni, wei da psiah ki hapoh kani ka thaw sah ha ka 23 tarik uni u bani heipor kamwa 12:30 i pyrdi sngi wei da yoo ki leh lyngba ka CCTV tangwa ha ka 26 tarik heipor 8:30 i step da yoo wa u Aarav da mih u samen.

Katkam wa takit ki pulit, u Aarav da dung u ka ka Maya ha ka 25 tarik wei da neh u wa ka waroh chi miet chwa wow mih u na kani ka thaw ha ka sngi wa bood.

Kani ka kamra toh kawa da dap snaam ha syngkhien wa yanep wa cha khyndaw wei da chem leh ya uwi u tylle Nylon na khyndaw uwa da suba wa thied u Aarav lyngba kawi ka Website wa tip kam ka Zepto ha ini i por wa em ha kani ka thaw.

Related posts

Yoh kem ki pulit ka West Jaiñtia Hills ya uwa myllien wow tooh thuk-thuk

August 6, 2025

Yoh kem ki pulit ka West Jaiñtia ya u snar khayi drugs wa tip kam u Lucky deilang uwi

August 4, 2025

Katkam wa chem ki pulit, ka Maya da chah dung ko ha kiwa boon ki bynta tangwa da ye u man wa yap ko neiwa chah dung ha rupai wei da em leh ki kha ha i bynta i khlieh ko.

Chooh chooh ki pulit da suba ki wa uni u khynroo da wanrah chwa u ya ka tari katwa ya u tylle da thied won u heipor wa em ha kani ka Service Apartment.

Yei metyap da chem du hadien wa yoh Phone ki pulit wa em i sma wa mih na kani ka kamra wei ym em leh wai ya kani ka kamra neidaw wa u Aarav da pyntip u wa daw pteiñ ki u sah hadooh ka 28 tarik.

U Aarav wa ka Maya da antaad wa da yalang chan ki la kamwa 6 bnai wei ki pulit da suba ki wa hadien wa mih u na kani ka Service Apartment da lai u cha ka Railway Station tangwa ym pu em chem oo wei ka Phone u leh man ko kawa da tympleh.