Daw pynman ya ka Winter Choir Festival wa nyngkong dooh ha Jowai

Ka Elev8 Tribes, DSSC Jowai deiwa ya krehlang wa ka TSL Events daw pynman ki ya ka Winter Choir Festival kawa man ka tamasa ya ki chi yung chi sem kawa daw em i rwai i siaw, ki pynyoo yei sap i phong kamjooh yei mynsien sbun wa daw pynman ha madan Daimasi Ladthadlaboh, Jowai.

Ha kani ka tamasa daw rwai leh da ki The Kids Tarari Choir, ki Khmih Creative Society, ki Elyon Choir, ki Elev8 Choir wei daw wan rwai leh da ka Lily Sawian wa u Paliphi Nongtdu ki wow pynyoo yei sap wa em cha ka thaaiñ yong i.

Kani ka tamasa toh kawa daw pynman ha ka 14-12-24 heiwa daw wai nadooh 10:00 waje i step deiwa em ki dukan dai baam, ki Arts & Creative Workshops neibynta ki khynnah wa ki khynroo katwa yei rwai u sdang nadooh 5:00 waje i janmiet.

Daw em leh ka Charity Drive nadooh ka 1 tarik hadooh ka 14 tarik u December yow kynchew poisa ya ki khynnah wa ki manyung wa dooh wa duk.