Super Division: Psiah Final ka Demthring deiwa jop ya ka Nangbah Mulang

Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ da sdang ko ya ki yalehke Semi Final ynne ka sngi.

Ka yalehke wa da pynman toh hapyrdi ka Demthring wa ka Nangbah Mulang heiwa ka Demthring da jop ko da 1-0.

Ka yalehke da man ko kawa ya ryngkat bor bha heiwa ka kylla step da kut ko khlem em wa thap wei hachwa u kut ka kylla miet ha ka minit wa 90+2 da yoh ka Demthring wow thap lyngba u Marshial Nongrum yow psiah syndon cha ka Final.

Ka Nangbah Mulang daw yoh laad ko sa chisien deiwa yachem ya kiwa jop ya ka Semi Final wa ar kawa daw pynman mynstep hapyrdi ka Wahiajer wa Ladthadlaboh heipor 1:00 waje i sngi.