Uwi u bru wa sah ha Shillong, da ujor u ha ki pulit wa ha ka 30 tarik u bnai wa dep wa da yoh u ya ka WhatsApp Message na u Mobile Number yong u Rev. Nehthlang Hoakip uwa tipmit hi u uwa da kyrpaad wow phah poisa ya oo Rs. 50,000 heiwa da leh u yeini.
Ha kani ka jooh ka sngi heipor kamwa 3:49 i sngi da yoh WhatsApp Message biang u na uni u jooh u Mobile Number yow phah sa Rs. 80,000 deiwa kular wow su ha ka step wow wan. Kamtæ da phah u sa Rs. 50,000.
Hadien won da chem u wa ya uni u Mobile Number da em wa pynemkaam tooh oo da kiwi ki bru wym tipmit.
Ha iwi won i jia, u Balbindra Singh da ujor u ha ka 28 tarik u bnai wa dep wa heipor kamwa 10:00 waje i miet heipor wa lai uwa yah Truck yong oo uwa tip kam u Shohiz Uddin na Byrnihat, Ri-Bhoi cha Lumshnong Star Cement, EJH da ka Truck wa em Number NL-01AG-0715, da sñiaw chitom u wei da lai u chei thaw sumaar deiwa ieh ya kani ka Truck ha Byndihati, EJH.
Tangwa hei step ka 29 tarik won manda poi u hei thaw wa ieh u ya ka Truck u, ym chem de ka neidaw wa chah tooh ko.
Discussion about this post