Yoh ka Sngap Syiem College ya ka Science Block wa thymme deilang ki kamra

U Chief Minister ka jylla, u Conrad K Sangma, ynne da wai u ya ka Science Block thymme deilang ki kamra thymme namo ka Extension of Classroom Block-B ha ka Sngap Syiem College, Mawkyrwat wa em ha South West Khasi Hills.

Ha kani ka sngi da emlang u Renikton Tongkhar, MLA wa u Carnes Sohshang, MDC ka KHADC.

U Conrad hawa e i klam da ban joor u wow pynlut neibynta ki khynroo neibhah wa em du 6 lak ngut ki bru kiwa palat 45 snem i rta wei kiwa tam toh ki kiwa dang khian lut.

Da ban u leh yei emkaam i puræ puthi khnang wow pynjanai ya i man samen khnang wow ye ki wow chakri ya ka jylla wa ka ri deiwa pynrap wa boon ki kyrdan puræ kiwa da pynchlur da ka sorkar jylla.

Related posts

Pteiñ i pynkhreh paaid ka seiñ ki Muster Roll yow lai chah thngan ha Shillong

December 12, 2024

Da pynkhreh ka WJSU nadong chadong wow pynman Exam yow jied ya ki wow yoh Scholarship

December 12, 2024

Da ong u wa ha kiwa boon ki kyrdan ka sorkar da yaleh ko wow wanrah ya ki Policy, i chna i tei ya ki thaw puræ kamjooh wow kyrchaan ya kiwa sikai (Sanctioned Post) kiwa da myntoi ka College leh katni.

U Conrad da khana u leh wa lyngba ki rai ki yalang ki Montri sorkar wa man ynnin, da rai wa ki Science wa Commerce Stream u sdang noh ki ha ki College sorkar kam ha Sohra, Mawphlang, Williamnagar wa Baghmara.

Chooh chooh da ong u wa ymtoh iwa ke ya ki khynnah wow chah pynbor wow jied ya ki Subject wym kwah ki u puræ kamtæ toh i kaamram ka sorkar wow wailaad ya ki khynnah katkam ki kyndon wa da booh ka NEP.

Heijooh i por da ong u wa toh i kaamram ka sorkar wow booh ya kiwa boon ki Subject wow jied ki khynnah wei da pyrchang wow sdang ya ki Science wa Commerce Stream ha ki College wa em ha jylla khamtam ha ki College sorkar wa kiwa myntoi na ka People’s College.

Da pynbna u leh wow e ya ka School Bus wei wow e Rs. 20 lak wow yarap ya kani ka College.