Ka madan yalehke Futsal wa dang dep chna thymme ha chnong Ummulong, West Jaiñtia Hills District wa e pyrtuid ka Nawnia Futsal da wai paidbah ya ka ynne ka sngi da u MLA ka Jowai uwa man leh u Chairman ka MUDA, u Wailadmiki Shylla.
Ya kani ka madan da man tre da u Hajan Pde uwa sah ha Ummulong hi, uwa da khana leh ya ka thong i yoo jngai yong oo wow chna kam kani ka madan toh wa boon ki bru wa e mynsien ya oo wot napyrdi kiwa ka’it yalehbol leh e mynsien ki ya oo u chna yow lait ki u lai yalehke chadooh cha Jowai.
Ha ka yalang tbian wa pynlai da u Khatle Lamare, da yoh leh i klam na u Kamwamut Lamare, President Seiñraij Ummulong, na u Laitsing Shylla, MDC warim ka Ummulong Moodymmai wei da yoh i ngooh Blai na u Miki Shylla.
Neiliang u Wailadmiki Shylla kam u kongsan da yaroh u yei ye u wanrah kam kani ka madan kawa man leh ka thaw pynwyrngai ya ki khon khynroo ha ka juk katni wa smat ngop ki hei sih wa boonjait.
Wei yooluti u i em kani ka madan u pynmyntoi ko yei rukom im wa bha ki tre chnong wa kiwa marjan, najrong wow ye pynku leh yei kaam lehke Sports.
Neitæ kyntu u ya kiwi won ki khynroo khyllood leh u sdang ki yei khih i khan deiwa yieñ hei kjat yong idæ.
Neibynta kiwa kwah u wan lehke næ kwah u tip chaphang kani ka madan Futsal, ye phi u u Phone ha uni u Number-9366578803.
Discussion about this post