Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy dapoi ko cha ka yalehke Semi Final kawa le ynne yow jied ya kiwa psiah Final.
Ha yalehke wa da pynman, ka Thangskai Tiger SC da jop ko da 2-1 ya ka R. Skhenshynriah SC heiwa ka yalehke dapoi ko cha ka Additional Extra Time.
Ka Thangskai da yoh ko wow thap nyngkong ha ka kylla step lyngba u Solomon Sympli ha ka minit wa 17 kawa da neh hadooh wa kut ka kylla step.
Ha ka kylla miet, ka Shkenshynriah da yoh ko wow thap ha ka minit wa 69 lyngba u Fairdyson Bareh tangwa ka Thangskai Tiger da yoh ko ya ka kool wa jop lyngba u Longprem Dera uwa da thap ha ka minit wa 108.
Kamtæ ka Final u man ko hapyrdi ka Dhana CSC wa Thangskai Tiger SC kawa daw pynman ha kani ka 19 tarik.
Discussion about this post