U pynlut Rs. 50 klur wow chna ya ki sarok ha kylleiñ ka Jowai Constituency

U Deputy Chief Minister ka jylla, u Sñiawbhalang Dhar wa u MLA ka Jowai, u Wailadmiki Shylla ynne da booh mooyurim ki wow chna ya ki sarok ha kylleiñ ka Jowai Constituency.

Waroh i kreh ha kini ki sarok u man i Rs. 50 klur wei deiwa kheiñlang waroh kini ki sarok dapoi 38.163 Km i jrong ki.

Neiliang u Wailadmiki da ong u wa u sarok Intermediary Jowai Bypass uwa na yingkieñ Myntdu hadooh ha Laad College uwa man wa da angnood bha ki paidbah ka Jowai, wei ya uni u sarok uwa 3.27 Km, u sdang kreh noh ya oo.

Chooh chooh da ong u wa u sarok ha Salaroh heiwa chawah da boon bha ki yung wei heini da em u sarok khyndaw wei u chna ya oo hadooh wa mih u ha Moowamon, Mihmyntdu u wow jrong 4.25 Km.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh wa ka Ialong, da ong u wa ka chnong man ko kawa da rim bha heiwa da dooh myntoi bha ko ha kini ki snem wa dadep wei u chna pynmiat noh ya kini ki sarok ha ka chnong wa jrong 11.8 Km.

Ka chnong Mukhla da em ki sarok wow chna pynmiat kamjooh ki sarok thymme kiwa jrong 7.5 Km.

Da ong u wa ka chnong Niriang toh ka chnong wa pyndap ya ki jhoor ha ka sor Jowai wei ha kani ka chnong leh daw chna ya ki sarok wa jrong 2.5 Km kamjooh leh u sarok na Pynthor Litang kawa em hajan ka wah Mynngot wow mih cha Moodymmai daw chna ya u sarok wa 2.8 Km.

Kamjooh leh u sarok na Madur Thymme cha Madur wow mih hajan ITI neibhah wa boon ki bru na Jowai wa thied thaw cheitæ, da ong u wa da booh ka poisa (Sanction) ya u sarok wa 6.4 Km wei uni u sarok u man u uwa rben uwa ryngkat wa ki sarokbah namo ki Highway. 

U Wailadmiki da ong u leh wa ki paidbah wa boon ymtoh u dooh mynsien ki neibhah wa dang em boon ki sarok kiwa da tyrwa kiwa dang pynkhreh katni.