Ka Super Division yong ka Saipung Block Sports Association (SBSA) da pteiñ ya ka ynne ha Madan Lamyrsiang heiwa da sdang ya ka yalehke Semi Final wa nyngkong wa tip leh kam ka Qualifier.
Ha ka yalehke wa da pynman, ka Jalaphet Pyrdung SC da jop ko da 3-1 ya ka Mulait United FC.
Ya ka Pyrdung da thap da u Ker Syrti ha ka minit wa 11, u Rahul Bareh ha ka minit wa 12 wa u Phrangsngi Pakem ha ka minit wa 37 katwa ya ka Mulait United da thap da u Sengouthang Tuboi ha ka minit wa 9.
Da ini i jop, ka Jalaphet Pyrdung da yoh ko wow psiah cha Final.
Discussion about this post