Ki ar tylli ki kool wa thap kawi hadien kawi da u Donlad Diengdoh (49′, 51′) da e ko yei jop ya ka Meghalaya da 2-0 pyrchah ya ka Delhi ha ka Third Round ka Group B ka Senior Men’s National Football Championship ka Santosh Trophy 2024-25 wa pynman ha Hyderabad ynne.
Ka Meghalaya da emkaam ko yei jop yow emlaad u lai chakhmat yow poi Quarter Final iwa da man chwa ka luti wa eh hadien wa ya Drawn 2-2 wa ka Tamil Nadu wei deiwa rem da 1-0 ha ka Kerala. Ka Delhi won toh kawa dadep jop ha ki ar tylli ki yalehke ko chwa ynne.
U Coach ka Meghalaya, u Hering Shangpliang da pynyklla u du uwi uwa yalehke chwa u sdang deiwa thap heithaw u Fullmoon Mukhim da u Kevin Rymbai heiwa u Vice-Captain, u Damanbhalang Chyne da chim u yei kaam kam u Captain.
Ka Meghalaya kattu da ku ko chei wa le deiwa yoh 4 Point. Ka Kerala da yoh nyngkong ko da 9 Point deiwa jop ya ka Odisha da 2-0 ynne. Ka Delhi da neh ko hei wa ar deiwa yoh 6 Point, ka Odisha da em ko hadien ka Meghalaya deiwa yoh 3 Point katwa ka Tamil Nadu (1) wa Goa (0) daw yachem ki myntu i miet.
Ka Meghalaya kattu daw yachem ko wa ka Goa ha kani ka 22 tarik heipor 2:30 i sngi.
Discussion about this post