Rs. 4000 kawi ka manyung wa Rs. 8500 chi Hectare u yoh yarap kiwa chah ktah ha u phria

Ynne da pynman ya ka yachemlang wa tbian da ka yung krehkaam u Deputy Commissioner, West Jaiñtia Hills ha Conference Room wow pyntip ya ki laad yarap cha ki manyung wa chah ktah ha u phria joor wa haap ha ka 5 tarik u Khonchonglad (Nov) uni u snem.

Ha kani ka yalang da emlang u MLA ka Jowai uwa man leh u Chairman ka MUDA, u Wailadmiki Shylla, ka HML Kynta, Additional Deputy Commissioner, u Dr. Heimonmi Niang, BDO Thadlaskein C&RD Block wa u P. Passah, BDO ka Namdong C&RD Block.

U Wailadmiki Shylla, da ong u wa ka thong i yachem toh wow e kyrmen cha ki manyung wa ki warep neidaw wa ka sorkar raikut ko wow yarap ya ki deiwa ong wa ka poisa wow yarap toh katkam i chah ktah kawi pa kawi ka manyung.

Chooh chooh da ong u wa hanla ka poisa yarap man ko du Rs. 4000 yow pynchna ya ki yung ki sem kiwa chah ktah iwa duna neiwa da yooluti tangwa daw ye ko u rap malu mala ya ki wei da kyrpaad u ya ki bor District wow pynsmat u pynlait ya ka poisa hapoh ka tayaaw wa ar yong u Duyatra (Jan) 2025. 

Related posts

Da khut sñiawbha wow wan sakhi yei pynriam ya ki thaw uiñke suwari wa em ha Kupli 

December 21, 2024

Lai e yarap ka Thadbamon SC da ki kymmor cha ki khynnah wa ri ka World Mission Children’s Home

December 21, 2024

Da ong u leh wa ki warep kiwa da chah ktah ki thaw rep ha u phria daw yoh yarap ki Rs. 8500 chi Hectare heiwa ka poisa daw kheiñ katkam i heh i hali wa rep ki iwa chah ktah tangwa ini toh iwa daw chimpor neibhah da tyrwa wei dang yang wow yoh i pdiang na ka sorkar.

Ka HML Kynta, Additional Deputy Commissioner da pyntip ko wa u phria da ktah u ya ki 5 tylli ki chnong, kitæ ka Iongnoh, Pynthor Langtein, Muphlang, Mustem, Madan Tyrpait heiwa da em 113 tylli ki manyung wa da chah ktah wei ka sorkar da pynbna ko Rs. 4000 cha kawi ka manyung yow yarap pynchna yeiwa da sih heiwa ka poisa daw thap bait ha ki Account ki tre yung. Waroh ka poisa wa daw Transfer man ko Rs. 4,52,000.

Da pyntip ko leh wa ka chnat Agriculture da pynman ko yei sorjamin wow kheiñsap katwon wa da chah ktah ha u phria heiwa da antaad wa daw hap yarap Rs. 12,40,150. I yarap wow e man i Rs 8,500 chi Hectare deiwa kheiñ yei heh i thaw rep heiwa ini daw rap chimpor i neibhah wa daw hap pyntikna yei heh ki thaw. 

U P. Passah, BDO Namdong wa u Dr. Heimonmi Niang, BDO Thadlaskein da kyntu ki ya ki paidbah wow Update ki ya ki Bank Account yong ki wei wow pynbiang yeiwa emkaam ki Bank wow lait u slem i yoh yarap.