Ka Lumtiniang Tourism Promoter Group da pyntip ko wa daw pynman ko ya ka tamasa wa tip kam ka Winter Festival 2024 ha Lumtiniang Park kawa em ha chnong Mowtyrchiah, West Jaiñtia Hills ha ka 27 tarik uni u bnai u December, 2024.
Ka Lumtiniang Park da man ko leh kawa dadep pynriam khrik-khrak deiwa pynphooh pynphieñ ha ki dur wa boon jait kiwa dadep wow wai paidbah nadooh wa sdang uni u bnai.
Ha kani ka Winter Festival daw em leh ka Bumper House heiwa ka 1st House man ko Rs. 3 lak, ka 2nd House Rs. 1 lak, ka 3rd House won Rs. 50,000 wei ki Line won man ki Rs. 10,000.
Ka Ticket yaleh Housie man ko Rs. 1000 chi Card wei lada thied ar tylli daw yoh hei dor wa Rs. 1500.
Ka bai psiah man ko Rs. 200 samen tangwa lada thied Ticket Housie pyn na thaw psiah, daw lait noh u su ya ka bai psiah kawa Rs. 200 wei kiwa lait bai psiah u man du ya kiwa thied Housie donhi.
Ha kani ka sngi daw pynkhle leh ya ka Lucky Draw heiwa ka 1st Prize toh da ka Bolero Pickup, ka 2nd Prize da ka Alto K10 katwa ka 3rd Prize won da ka Scooty wei ya kani daw pynyoo Live ha u YouTube Channel u Wyrta.
Ka bai Ticket Lucky Draw man ko Rs. 50 chi sla.
Ha kani ka sngi daw em leh ki thaw sah (Tent), ki baam ki dih, i yaleh khruk khruk wa kiwi kiwi de.
Daw wan pynwyrngia leh da u DJ Banshan wa ka Lily Sawian.
Ini waroh toh iwa daw sdang nadooh 3:00 waje i sngi.
Kamtæ da khut sñiawbha ya phi ki paidbah wow ya wan phi yow yoh phi wow maad wow sakhi yei daw wa kani ka Lumtiniang Park da man ko kawi na ki thaw uiñke suwari wa pawnaam katni.
Yow tip bniah ye phi wow Phone ha uni u Number-7005161051.
Discussion about this post