Daw pynman ya ka lympung wa nyngkong ki Khynnah Sengkhasi Seiñraij ha Seiñriaj Mowtyrshiah B

Ha ka thong wow khriñ yei pyrkhat pyrdaiñ wei man i sñiaw ki khynnah chaphang ka yurim i maya niam maya Blai wei tip u burom kheiñkor yei man kyrpang ka jaitbru Ñiawtrep Ñiawskum katkam wa da yoh sikai pateiñ na ki manchwa longchwa.

Ki bor pait bor pynlai ka Lympung ki Khynnah Sengkhasi Seiñraij, Laskeiñ Pyllun, West Jaiñtia Hills da pyntip ki wa ha ka 28^th wa ka 29^th Kmaichonglad (Dec) 2024 daw pynman ki ya Lympung wa Nyngkong ki Khynnah Sengkhasi Seiñraij, Laskeiñ Pyllun ha Seiñraij Mowtyrshiah B, hajrong ka phang wa ong “Ha la thymmei ban tei ia ka lawei”

Kamtae ki bor pait bor pynlai kani ka Lympung khut kyrsu kyntu ki ya waroh ki khon ka Seiñraij Laskeiñ Pynllun, Elaka Raliang khamtam ki manbei manpa wow wan sakhilang wei wow pynchlur e mynsien ya ki khon ki ksu yong ki u wan ya chimbynta ki ha kani ka Lympung ha ka 29 tarik Kmaichonglad 2024 nadooh i por 10:00 waje i step.

Da phah yeini i pyntip wa kyrpang lyngba U Teibormi Papang, President Lympung Khynnah Sengkhasi Seiñraij, Laskeiñ Pyllun.