Da: U Soolangki D Laloo, Loomkyrwiang, Jowai
Ynne ka sngi wow kynmoo tympang
Da ki khon ka ri wa uwa boon walang.
Yow Woh Kiang Nangbah, khlawait ka Ri
Wa chah radang ha’u tylle pasi.
Kiang Nangbah toh du me donhi
Uwa yaleh laitlooid ka Ri.
Wa yap khlem wyrai, ha kti kiwa choon
Ha khmat ki sakhi yong u paaid waboon.
Kiang Nangbah, Kiang Nangbah
Chisien yei burom ka Ri darah.
Nongmuna wa yah, wa pynyoo mi
Yaleh khlemtieñ, dei mynsien yatylli.
Khon ka Ri! To bood nongmuna
Kam U Kiang wa maya yong phi yong nga.
Dolloi Tyngker to beh chajngai
Wa biej rong, biej spah pyrthai.
Kiang Nangbah wyrchaw O ki kti
Hei naam, i pyrtuid ka jaitbru ka Ri.
Kyrkhu khyrdoh, ksan-ñia ksan chang na dwar U Blai
Yoh u mih kiwa yahkhmat, ki dapchynrang, dapkynthai.
Kiwa tieñ yei thok, chukor, i sang, i maa
Kiwa chlur yei hok, i bha wa toor, wa tia.
Discussion about this post