Tyrrah ka kari wa kit bhang ya ki pulit wa em ha Toll Plaza

Kawi ka kari wa kit bhang da tyrrah syndon ko ya ar ngut ki pulit Constable ynne i step synyaaw heipor 1:30 ha Krishnavaram Toll Plaza wa em ha Kirlampudi Mandal, Kakinanda District, Andhra Pradesh wei ya kini ki pulit wa da mynsoo da kit cha thaw sumaar.

Kani ka kari wa lai luti na Visakhapatnam cha Rajamahendravaram, da pynsangeh ki pulit ka ha kani ka Toll Plaza kam wow pait wow sylli ya ki kari wei uwa em hapoh nyngkong da leh u kamwa ngait yeiwa phah ki pulit wow leh, tangwa syndet da sdang kani ka kari u lai heiwa ki pulit da sdang ki wow sngoh ka da ki lathi wei heini i por da pynhær ko wut wei da tyrrah ya ki ar ngut ki pulit wa em hakhmat heiwa uwi da chah yooh u.

Hadien ini da kdong ya kani ka kari heiwa da chem wa da ieh ka ha i thaw wa tip kam i Rajanagaram wei da yut uwa yah ka tangwa da yoh wow kem oo na Jeelugimilli, West Godavari District.

Related posts

Yoh kem drugs ki pulit wa chongdor Rs. 10.8 klur

June 26, 2026

Siat ki pulit ya uwa rahbor wei tynyap ya ka khynnah wa 11 snem

June 25, 2026

Kani ka kari toh kawa em Number Plate ka jylla Uttar Pradesh wei hapoh da chem leh ya u bhang.