Ka Inter-Dong Football Tournament ka chnong Wahiajer wa pynman da ka Wahiajer Sport Club dapoi noh ko cha wakut da ka yakhun Final hapyrdi ka Jalapang SC waka Lumbhahdakha.
Ha kani ka yalehke, ka Jalapang da jop suk ko da 4-0 da ka Hat-Trick na u Reform Pale uwa da thap ha ka minit wa 23, 46 wa 67 wa chi kool na u Sauni Phawa uwa da thap ha ka minit wa 13.
U Reform da yoh u leh yei naam Top Scorer deiwa thap 7 tylli ki kool.
Ka yakhun yow yoh wa le da pynman hapyrdi ka Mainroad wa Iawpynsin heiwa ka Mainroad da jop ko deiwa yachut Tie-Breaker.
Ha kani ka lympung yalehbol, da wan wow chimbynta da 8 tylli dong wa em ha chnong Wahiajer wei da pynman ka ha Wahiajer Sports Complex.
Discussion about this post