Jowai : Ynnin i miet heipor kamwa 7:35 kawi ka kari Maruti Swift Desire kawa dang thymme kawa da yah da u Haren Kalita uwa lai na Iawmusiang cha Ladthadlaboh, wei yah khlemakor bha u ka ka kari da tyrrah u ya uwi u pulit pyllai kari uwa em duty ha New Hill Point, Jowai.
Ya uni u pulit da tip kam u B. Rabha, hadien wa chah tyrrah u, kani ka kari da yut ko wei manda poi ha Bharat Petrol Pump, Ladthalaboh da tyrrah ko ya kawi ka thuk-thuk wa em u No. ML 05 G 3232 kawa pynyieñ hajan Suchiang Marbles wei neidaw wa pynhær ware ya ka da kylla ko dei chrooh.
Ha ini i yatyrrah ka kari wa ka thuk thuk da piah da sihdur ki.
Ya u pulit da pynkit cha Dr. Norman Tunnel Hospital, yow yoh u yei sumaar heiwa da kheiñ ka kti tidiang u wei da takha u na khlieh.
Ya uwa yah ya kani ka kari leh da kit cha Dr. Norman Tunnel Hospital yow yoh yei sumaar.
Discussion about this post