Jowai : Ka Jaintia National Council (JNC) ha ka General Executive Council (GEC) kawa pynman ha kani ka 10 tarik yong uni u bnai hei emlang kiwa yah khmat ki Unit waphær waphær na ri-loom Jaiñtia yong ka seiñ kawa pyllai da ka Ristina Nongtdu, Education Secretary EJNC-CC da chim ki ya kiwa boon ki rai.
Ha kani ka yalang wa pyndep nyngkong yong u snem thymme da rai wow boodien ya kiwa boon ki kaam wa dang sah yong ka seiñ khamtam wow pynman ya ka sngi 24 tarik u Naikhynde man u snem kam ka sngi chuti hapoh ka East Jaiñtia Hills District kam ka dak wow kynmo ya sngi wa dooh ar tylli ki mynsien kiwa yeiñ pyrchah yeiwa khang ka NGT yei tih wow khayi mooyong .
Ha kani ka yalang ka JNC leh da klam ki chaphang ka thain Saipung, Khahnar ter ter hei yatoh wa i eh i khoo wa yachem ki paidbah kam ya ki sarok iwa da chah ieh beiñ ha ka sorkar jylla kamjooh leh ya kiwa chong chnong ka Tynsong.
Da rai leh wow booh ya ka dorkhat cha ka montri ka chait ka khiah hei yatooh wow pynneh ya ka Jowai Civil Hospital, Ialong; wei wow pynbiang ya ka thaw thiah ya kiwa chitom deiwa pynbiang 100 tylli ki thaw thiah hapoh ka CHC Khliehriat.
Discussion about this post