Jowai: Ha ka yakhun 2nd Division ha pyrdi ka Moosalyngkat SC pyrchah ia ka Khlieh Myntang Ialong SC, ka Moosalyngkat da jop ko da ar kol la kawi. Ia ki kol ka Moosalyngkat da thap da u Edius Laloo mar sien sdang ka ialehke ha ka minit wa 3 da pynbood won da u Orkel Suting ia ka kool wa ar ha ka minit wa 60. Ka Khlieh Myntang da ye ko u su kylliang du chi kool ha ka minit wa 62 ïa kawa da thap da u Philimon Suting ha ka minit wa 62.
Katwa ha ka Super Division ka Dulong SC da pynrem ko ïa ka Khimusniang SC da kawi ka kool. Ha ka kylla step ka Khimusniang da ye ko pynneh ia ka bol cha chilliang madan yong ka Dulong khlem da ye ko u pynkhih ïa ka jar ka Dulong. Chwa u kut ka kylla step ka Khimusniang da yoh lad ko u chut phainalty wewa da ye ko u pynkhih ïa ka jaar ka Dulong SC tangwa da kyntait u referee ka, manda chut deiwi ïa kani ka phainalty ka bol da lai ko najrong u dein kool. Kamtæ da kut ka kylla step khlem em wa ye u thap kool.
Ha ka kylla miet ha ka minit wa 57 ka Dulong SC da yoh ko u thap ïa ka kool lyngba u Samanlang Nanghuloo uwa da pynjop ïa ka Dulong SC da ka chi kool.
Discussion about this post