Ynne hadien wa wai pyrda ya ka 6th Meghalaya Games ha District Library Auditorium, Jowai, u Montri ka chnat Sports & Youth Affairs, u Shakliar Warjri chirup wa u MLA ka Jowai, u Wailadmiki Shylla da lai pait ki ya ki thaw pynman ya ki yalehke kamjooh ki thaw sah neibynta kiwa chimbynta ha kani ka lympung.
U Shakliar da lai chwa u cha Thomas Jones Synod College heiwa da lai pait u ya ka Basketball Court wa da chna pynmiat.
Hadien ini da lai u cha Jowai Polytechnic wow pait ya i thaw sah wa chipor yong kiwa chimbynta kamjooh ha Boys Hostel ka Kiang Nangbah Government College.
Neini won da lai pait ya ka thaw baam namo ka Dining Area wa em ha madan Kiang Nangbah Government College hi.
Hawa yaklam wa u Shakliar da ong u wa hanlada em kiwa dang sah tangwa da yooluti u wa hapoh chi sngi ar sngi daw pyndep ya waroh tangwa da sñiawhun u yei pynkhreh ya ki thaw lehke, ki thaw sah wa ki thaw baam kiwa da lai bait deiwa e khublei ya u MLA ka Jowai, u Wailadmiki Shylla.
Da ong u wa chwa wow poi kiwa chimbynta daw ye u pyndep lut ya ki kreh.
Discussion about this post