Ka yung krehkaam u SP ka West Jaiñtia Hills District da pyntip wa neidaw wa daw pynman ya ka 6th Meghalaya Games 2025 nadooh ka 20 hadooh ka 25 tarik uni u bnai, da hap wow booh yei rukom pynlai kari neibynta ka 19 wa 21 tarik donhi yow lait i thut i lai i wan kiwa yalehke.
Ha ka 19 tarik daw pdiang ya waroh kiwa yalehke ha Mukhla wei hadien ini daw lai lyngba ka Soomer-Mihmyntdu-Kiang Nangbah College-Jowai Polytechnic-Salaroh Road-Pohhali-Dulong-Kdoh Hati-Iongpiah-Mission Compound-Chutwakhu-Jrisaleiñ Junction-Mynthong.
Heiyatoh wa kani ka sngi, daw booh No-Entry nadooh 9:00 waje i step ha laad Loomkyrwiang yow lai cha Iongpiah wa ha laad Kdoh Hati.
Da khang leh wow pynyieñ kari ha rood sarok ha i por wa lai luti kiwa yalehke.
Ha ka 21 tarik wa daw em leh ka lehkmen Meghalaya Day ha District Library Mynthong, daw booh No-Entry ha Stand War yow lai cha Mynthong.
Heipor wa pynman ya kani ka yalang, ym chah wow pynyieñ kari ha rood sarok wei da kyntu leh ya kiwa chong chnong ka Mynthong wow ya krehlang deiwa dam u sai kari lait noh dei wym hoi u de u dam namo ki Emergency Case.
Ha ka 21 tarik hi kawa man leh ka sngi wow wai ya ka Meghalaya Games ha Wahiajer Stadium, daw booh No Entry ya ki Truck wa wan neiliang Ummulong yow lai cha Wahijer Stadium kamjooh kiwa lai cheiliang Ummulong nadooh 8:00 waje i step.
Da khang leh ya ki bru wow pynyieñ kari ki ha rood sarok.
Da kyntu ya ki Waheh Chnong deilang kiwa chong chnong wow ya krehlang ki.
Discussion about this post