Ka yalehke U-17 Boys ka 6th Meghalaya Games dapoi ko cha ka yalehke Semi Final wa nyngkong ynne kawa da pynman hapyrdi ka Ri-Bhoi wa West Jaiñtia Hills ha Kiang Nangbah Stadium Jowai.
Ka yalehke dapoi ko cha ka yachut Penalty hadien wa kut ka yalehke da 1-1.
Ka Ri-Bhoi da yoh ko wow thap nyngkong ha ka kylla step katwa ka West Jaiñtia da yoh ko wow thap ha ka kylla miet lyngba ka Penalty hadien wa uwa yang kool ka Ri-Bhoi da pynoor u ya kiwa yalehke ka West Jaiñtia.
Ka yalehke da lai ko leh cha ka Extra Time heiwa heini leh ym em wa yoh u thap kool.
Hawa yachut Penalty ka Ri-Bhoi da jop ko da 4-3 yow psiah syndon cha ka Final.
Hadien wa dep u yachut mar san sien da yoh u thap mar le kool wei da wan chwa uwa chut ka Ri-Bhoi uwa da ye wow thap katwa uwa chut ka West Jaiñtia da tne u ha u dieñ kool.
Kam wow pynkynmoo wa ha ka Meghalaya Games 2024 wa pynman ha Tura, da yachem Final ka Ri-Bhoi waka West Jaiñtia Hills heiwa da jop ka Ri-Bhoi biang.
Discussion about this post