Ka lympung yalehke 6th Meghalaya Games 2025 ynne ka sngi da pteiñ ki yalehke wa har rukom wei ynne i janmiet da yoh wow pynkut ya ka Table Tennis ha Indoor Hall ka Ladthadlaboh, Jowai.
Chwa wow saam ya ki takma da em ka yalang wa tbian heiwa u MLA ka Jowai, u Wailadmiki Shylla da man u kam u kongsan.
Hawa e i klam ha kani ka yalang da ong u wa dap u dei burom ya ka sorkar wei khamtam ya u Montri Rangbah ka jylla, u Conrad Sangma neibhah wa da yoh yarap ya ka song poisa na oo neibynta ki Sports Association kiwa em hapoh ka District.
Da ngait skem u leh wa deiwa pynman ya kani ka lympung daw man ki khynroo khyllood kiwa yoh myntoi ha kiwa boon ki liang.
Chooh chooh da ong u wa hanla em i duna heitu heini heiyatoh wa kani ka lympung, ymtoh u ksoh yeitæ neibhah wa da pynkhreh katwa ye wow pyndap yeiwa duna deiwa kyntu u ya kiwa chimbynta wow ksoh wow kynmoo yeiwa bha na kani ka lympung.
Ha kani ka yalehke Table Tennis da saam ya ki takma cha kiwa jop heiwa da saam leh ya i naam Best Athlete ya ki kynthai iwa da lai cha ka khyllood Diva Tang na West Jaiñtia Hills wei ya i naam Best Athlete ki chynrang da lai i cha u Rituraj Shabong na East Khasi Hills.
Ka Diva Tang toh kawa yoh Gold Medal ha ka Mixed Doubles deilang wa u Eraphel Dkhar, Gold Medal ha ka Women’s Double deilang waka Medaihunlang Swer, wa Gold Medal ha ka Women’s Singles.
Kiwa yoh Medal waroh man ki kamni:
Discussion about this post