Meghalaya Games 2025: Ka East Khasi Hills kam ka Overall Champion, ka West Jaiñtia Hills hei wa ar

Ynne i janmiet dapoi noh ka 6^th Meghalaya Games 2025 wa da pynman ha Jowai, West Jaiñtia Hills cha wakut, wei hadien wa pyndep lut ya waroh ki jait yalehke, ka East Khasi Hills da yoh yei naam Overall Champion deiwa yoh 381 tylli ki Medal wa kynthup ya 149 tylli ki Gold Medal, 105 tylli ki Silver Medal wa 127 tylli ki Bronze Medal.

Hei wa ar da yoh ka West Jaiñtia Hills kawa da yoh 108 tylli ki Medal kiwa kynthup ya 34 tylli ki Gold Medal, 27 tylli ki Silver Medal wa 47 tyli ki Bronze Medal.

Hei wa le da yoh ka Ri-Bhoi kawa da yoh 104 tylli ki Medal kiwa kynthup ya 30 tylli ki Gold Medal, 35 tylli ki Silver Medal wa 39 tylli ki Bronze Medal.

Heiyatoh waka 7^th Meghalaya Games, neiliang u Symbood Montri Rangbah ka jylla, u Sniawbhalang uwa da emlang ha ka yalang pynhaap pyrda, da pyntip u wa ym pu pynbna heiwon u pynman ka neidaw wa dang yakhun wow wanrah ya ka National Games hapoh ka jylla ha u 2027 wei yow ye u leh yeini daw chimpor hadooh ar snem i pynkhreh.

Related posts

Santosh Trophy 2025-26: Jop ka Meghalaya ya ka Odisha

January 22, 2026

Da khut ya ki khynnah wa hapoh 18 snem cha ka Winter Coaching Camp ha Kiang Nangbah Stadium

January 22, 2026