Chah kdaw kti ka ophis u DTO yei e kulmar ki ya ki license

Jowai : Ha ka yalang wa pynman da ka Jowai Traffic Police ynnin ka 14 tarik kam chi bynta ka National Safety Week i wi i phang da mih i boonsien na pyrdi kiwa klam ha kani ka yalang yow lait na ki mynso mynsnaam heipor wa yah kari toh chaphang ka ophis u DTO.

Nadooh ka kong R. Mylliemngap, President ka JTA, u P. Lyngdoh, President ka JTES wa u D.H. Pde u Traffic In-charge ka Jowai da klam ki ya i jooh.

Waroh da ong ki wa ka ophis u DTO e kulmar ki ya ka License cha ki paidbah khlem tip wa ki man ki kiwa tip sakhiat namo ki wym tip u yah kari.

U Traffic In-charge ong u ki jooh chem ki ya kiwa yah truck kiwa dang 20-21 snem. Da kylli wa kammon yoh license syndon u yah ka ki truck heiwa tang ya ki kari khian leh ym pu bniah bha ki u yah. Da ong u leh wa da chem wa da u bru wa tkhoh i kjat leh dang yoh license u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ptein chooh chooh u deiwa ong wa em ki bru kiwa em kjut kam i khai bhur wa kiwi kiwi leh yoh license ki, kamtæ ka ophis u DTO hap takit bniah bha ki hadooh i chait i khiah ki bru chwa wow e license ki cha kiwon kiwon.

U P. Lyngdoh won da ong u wa toh u booh da ka exam yow tip wa u/ka toh kawa da tip u yah kari ha chwa wow e License ya ki. Da ong u leh emkaam kiwa yah kari u tip yi mut ki dak (Traffic Signs) wa pynyeiñ cha sarok hei yatoh wa i yah kari hadooh wa i lai i wan ki paidbah.