Kiwa pynbaad da em bait ki ong u kyrtong ka NPP na Malki-Laitumkhrah hawa lai thap pyrtuid

U kyrtong MDC ka NPP na Malki-Laitumkhrah, u Fantin Lakadong da pynsñiaw u wa sñiaw skem u wa ki paidbah daw e biang ki yei chaniah ha oo ha kani ka kynti.

Ynne ka sngi, u Fantin da thap pyrtuid u wow yakhun ya ka MDC Election cha ka KHADC na Malki-Laitumkhrah.

Hawa klam hadien wa da thap pyrtuid, u Fantin da ong u da kreh u khlem chong wei dadep kreh u chiboon ki kaam yaka Constituency wa yaka jaitbru.

Da ong u wa ha kini ki 6 snem, da leh u chiboon ki kaam wei kawa kwah dooh u toh wa ka ktien Khasi wow psiah ha ka 8^th Schedule.

Related posts

Da ki lak wa maya ya u chrieh ha kylleiñ ka pyrthai hadien wa chah kyntait ha ka bei

February 21, 2026

Wai u Himanta ya ka karkhana ka Star Cement ha Barak Valley kawa em leh waka luti rel

February 21, 2026

Hajrong i chah klam u, da ong u wa kiwa pynbaad da em bait ki ha ka Politics tangwa chong ha ki bru.

Heijooh i por, da ong u wa sñiaw embhah wa ka MLA kawa man ka kurim yong oo, ka Ampareen Lyngdoh da e ko yei kyrchaan wei i kreh wa booh kamwa da yooluti ki paidbah.

Ka Ampareen hawa e yei klam da ong ko wa u Fantin ym em man u du kam u kurim ko tangwa chisien wa da man u kam u kyrtong da man u kam u khlawait yong ka ri wei u lai u toor u chakhmat.