Paan jubab ka High Court yeiwa tympra ya ka St. Anthony’s LP School khlem da pyntip

Ka High Court ka Meghlaya ynne hawa bichaar ya ka mukotduma PIL heiyatoh wa i tympra ya ka St. Anthony’s Lower Primary, School wa em ha Laitumkhrah Shillong, neiliang u Chief Justice, u I.P. Mukerji wa u Justice W. Diengdoh da pynsñiaw ki yei khyrngiat wa da tympra ya kani ka skur wot hadien wa pynmih ya ka hukum ha ka 09-12-24.

Kani ka skur kawa da rim bha kawa da chna hei dur ki Assam-Type dei rukom iwa yah nadooh i por ki pharæng wei kawa da man leh kawa ye u pynbna kam ka Heritage Building, da lai chakhmat wow tympra ya kani ka skur khlem da tip ka yung bichaar.

Ha ka hukum wa dadep pynmih da phah leh ya kiwa pynlai ya ka skur wow embynta ha kani ka mukotduma wei ya ka sorkar jylla wow lai pait wow bichaar ko lada toh u pynneh pynsah ka kani ka yung skur.

Tangwa ka High Court da ong ko wa hao ym em pynmih ko ka hukum wow khang yei tympra neibhah wa dang yang yei jubab kiwa pynlai ya kani ka skur wa lada dang man ka yung kawa dang chkeh wei da yooluti wa manda yoh ki ya ka Notice wow embynta ha ka mukotduma ym lai ki chakhmat wow tympra.

Related posts

Yow pynkhlan ya ki aiñ ka JHADC yieñ yaleh Election u Rimilan Synnah na Nartiang Wahiajer

January 30, 2025

Le tylli ki soskular wa da ya soi yow pynkhreh sdang tih mooyong noh

January 29, 2025

Ha ka Report wa da e da ka sorkar haka 16-12-24 da ong wa kani ka yung skur wm ye wow pynbna ka kam ka Heritage Building tangwa u Joint Director wa Member ka Meghalaya Heritage Sub-Committee Urban Affairs, Meghalaya da ong wa toh u em ko hapoh ka Heritage Building hapoh ka aiñ Meghalaya Heritage Act, 2012 wei ka sorkar toh u pynmih hukum ko kammon wow pynchna næ wow pynkylla ya kani ka yung.

Wei ini mut i wa hadooh ka 16-12-24 dang yieñ kani ka skur tangwa ynne won da pyntip hapoh ka yung bichaar wa dadep tympra lut ya kani ka yung.

Kamtæ da ong wa ym em de iyi iyi ha kani ka PIL neibhah dadep wow tympra ya ka skur.

Hajrong ini, ka High Court da ong ko iwa da jia hanla ym em khang wow tympra ya kani ka skur toh kamwa pyrchah yei bor ka yung bichaar iwa da man kam i Criminal Contempt wei da phah leh ya ka Notice hapoh ka Contempt of Courts (High Court of Meghalaya) Rules, 2013 cha ka Don Bosco Technical School Management wei da e por ya ki hadooh ka 24-02-25 wow jubab deiwa e daw ileh wym toh u pynchitom ki.

Ka High Court da pynmih ko leh ya ka hukum wym toh de u leh iyi iyi i kaam iwa yatoh wei tympra ya kani ka yung skur, i pynchna wei wow pynkylla ya i yung wa dang em.