Chah kem ki Bangladeshi wa biang wa ki Aadhaar

Ha ka 28 tarik uni u bnai, ki chipai ka BSF Meghalaya da yoh ki wow khanglaad yei kaap pood wa pyrchah ya ka aiñ.

Yeini da ye wow leh da ka 4th Battalion ki BSF kiwa da yoo yei em ki bru ha khappood ka India-Bangladesh ha East Khasi Hills heiwa da yoh wow kem ya soo ngut ki Bangladeshi wa uwi u nong India uwa ya ka kari kamai Maruti Alto.

Hawa kylli takit, kini ki soo ngut ki Bangladeshi da khana ki wa da psiah ki pyrchah ya ka aiñ cha India kattu katni bnai chwa wei da kreh ki kam kiwa soor that ha Bengaluru wei kattæ da mut ki wow psiah biang cha Bangladesh khlem da bood ya ka aiñ.

Kini ki Bangladeshi toh waroh kiwa chong chnong ka Narayanganj, Bangladesh wei na ki da yoh leh wow kem ki Aadhaar, ka poisa deilang ki Mobile Phone.

Ya ki tiar ki tar deilang ki bru wa yoh kem da e kti cha ki pulit ka Pynursla Police Station.

Related posts

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

Le snem phah kset ka yung bichaar ya uwa pyrchang wow slaitbor ya ki le ngut ha Iawthymme

September 11, 2025

Ha ka 29 tarik won ki chipai ka 04^th Battalion hi da yoh ki wow kem ya kawi ka Bolero Pickup wa kit ya chiboon bha ki soh khontara ha luti Dawki-Lyngkhat hajan ka IB.

Uwa yah ya kani ka kari toh uwa na India wei ym ye u wow pynyoo ki kot ki sla wa biang wei da e kti noh ya oo deilang ka kari cha ki Custom ka Pynursla yow leh ki yeiwa emkaam.