U Bison Roy Iano, kyrtong ka NPP naka 15-Raliang Constituency uwa da chah rem ha u 2019, ynne ka sngi hawa wan thap pyrtuid u ha Office u Deputy Commissioner ha Jowai neibynta u yakhun biang ya kani ka Election MDC.
Hawa yaklam wa kiwa thoh khubor da ong u i chah rem yong oo ha u snem 2019 toh wa i yakhun man i mar samen, wei kam ki Sitting MDC hi leh rap jooh chah rem hi hawa yakhun mar samen.
Tangwa ha kani ka kynti won ong u wa em u i kyrmen skem neibhah wa em ki hadooh 3 ngut wow yakhun na kani ka Constituency.
Heiyatoh waka Council, ong u kam u MDC warim yoo u boon i duna khamtam i tlot pynmih poisa kawa da wanrah yei dooh tulop kiwa kreh kamjooh ki MDC.
Kam u kyrtong ka NPP e yaroh u leh ya u Symbood Montri Rangbah, u Sñiawbhalang Dhar, u MLA ka Jowai, u Wailadmiki Shylla wa kiwi ki Montri sorkar wa da chimkhia ki yaka imlang sahlang khamtam heiyatoh waka Iawmusiang Complex kawa da sahteiñ da ki phaw snem, katte won i pynkreh da lai i chakhmat.
Yow ye u pynku chooh chooh yaka yarong poisa yoo u wa emkaam u chna pynbha pynmiat sa yaka Iawthymme deiwa thooh Scheme najrong kiwi won ki laad pynmih poisa.
Discussion about this post