U M.B.Rymbai u kyrtong ka INC naka 4-Amwi Khliehtyrshi Constituency, kam u MDC warim wei kamjooh uwa jooh ksoh ya ka chuki CEM ha JHADC deiwa chah rem noh ha u snem 2019, hawa klam cha kiwa thoh khubor ynne ka sngi hadien wa dep thap pyrtuid yow yakhun biang ha kani ka kynti, ong u wa haki 6 snem wa da lai wym em de u hapoh ka Council, da yoo u wa i man i long ko da ktah bha ko yaki paidbah, heiwa yoo lakam u wiar noh ko, kamtæ i mih yong oo wow yakhun biang toh wa angnood u wow pynwandur biang yei man i long yong ka kam nachwa.
Wei yow ye u pynwandur biang næ pynkhlan biang yaka Council ong u, nyngkong hi toh u pynrkhiñ yei khrong dan, neibhah haki 6 snem wa da lai, i lait tooh ka muna poisa yong ka Council ymtoh de iwa ke, iwa da ktah leh wot yaka tulop kiwa kreh hadooh wym ye pynbiang de da ki snem.
Pynrap u leh deiwa ong wa lada pynrkhiñ yei lait rood ki dan wa toh hok yong ka Council ym em eh wow pyndap pynbiang yei emkaam ka Council.
Wei lada poi u haka thong angnood haroh u wow pynbha pynmiat chooh chooh ya ki riti dustur najrong wa da toh i por wow tipmit noh leh da ka aiñ ya ki jait kur waphær waphær.
Discussion about this post