Ka Direct Funding wa ki Policy thymme yow man ka JHADC kawa dap wa biang kam kiwi ki ADC: Booh thong u K. Dikylsingh Phawa

U kyrtong MDC ka NPP cha ka JHADC na 19-Jowai South Constituency, u K. Dikylsingh Phawa hawa klam cha kiwa thoh khubor hadien wa dep thap pyrtuid u ha Office u DC ha Jowai, ong u kam u chakri sorkar haki 35 snem tam, da yoh u chiboon ki buit wei man u leh uwa da chong-ngiah  kam u Chief Engineer, wei da yoo u leh wa emkaam chiboon kiyi kiyi wow pynkylla hapoh ka District Council khnang yow ye u pynbha pynmiat yaka, neibhah wa em leh i maa ya ka dustur riti ka synchaar khadar, i khyndaw u chyiap.

Lada yoh laad u wow em hapoh District Council kwah u wow wanrah ki Policy thymme khnang yow man ka District Council kawa lai bait wei biang ki kyndon aiñ neibynta u leh ki kaam wa bha yaka jaitbru.

Da pynrap haroh u deiwa ong, ka JHADC man ko kam ka Institution kawa haap hapoh ka Constitution yong ka ri India kawa em yei hok wow yoh yaka Direct Funding kam ka Grant neibynta u su tulop ya kiwa kreh.

Wei ym du u wanrah Direct Funding tangwa najrong wa yoh ya ka poisa naka Finance Commission neibynta ki Scheme waphær waphær, ha kani ka Grant daw yoh ka Direct Funding neibynta ka tulop yow chngaaiñ kiwa kreh, kiwa mihkhmat wa em hapoh ka Council.

Related posts

Da booh thong ka VPP wow jop 15 ngut ki MDC: Andrew Shullai

February 1, 2025

Manda jop daw pynmih ya kawi ka chnat wow pynku ya ki kaam uiñke suwari: Tellme Phawa

February 1, 2025

Neitæ ong u wow yakhun wanrah leh yaka Policy hajrong kammon u yoh pynkrehkaam yaki Scheme ki Project kam kiwi won ki Autonomous District Council ka North Cachar, Karbi Anglong, Dima Hasao kiwa yoh yaka hok u wanrah yaki Scheme pynroi lyngba ka Council.

Lada poi u haka thong kwah haroh u wow wanrah yaka aiñ heiwa ka District Council u yoh bhah ko 10% naka mang poisa yong ka sorkar jylla, khang wa naka 10% wa yoh naka sorkar jylla u ye pynkrehkaam ko ki Scheme wa boonjait. Wei neiwa pynkreh yaki Scheme wa boonjait da ka Council 5% næ 3% kawa man kam ka Maintenance namo neibynta u thied kiwon kiwon wa emkaam ka Office.

Naka Work Establishment wa 2%, ye leh u su tulop cha kiwa kreh wei wow e kreh chooh lyngba ka kyndon namo ka Provision kawa em haki Project haki DPR yong kawon kawon ka Scheme kamwa leh ha ki jylla.

Yooluti u wa lada jop, daw ye u wanrah chiboon ki Policy thymme wei i wow yarap pynroi pynbha yaka JHADC.