Pyrchah ka Raij deilang ka Namdong yei lehbor u CEM u pynbna ya ka Thadmynri kam kawa em ha Elaka Nartiang

Ka Dorbar Chnong Namdong ryngkat ka Raij Namdong kiwa hapoh ka Elaka Nongjngi da beiñ joor ki yei lehbor u CEM ka JHADC, u Thombor Shiwat hadien wa da rai wow pynbna biang wa ka Thadmynri wa haap ko hapoh u pood u ang ka Elaka Nartiang lyngba ka chithi ‘NO.JHADC/POL/33/2014/70, Dated, Jowai, The 23rd –JANUARY–2025’.

Ka raij waka chnong da ong ki wa da leh yeini khlem da bichaar bniah ya ki kot ki sla kiwa ka chnong Namdong, ka Raij Namdong deilang ka Elaka Nongjngi da pynyoo ki wa ka Thadmynri toh kawa haap pura hapoh u pood ka Elaka Nongjngi katkam ki kaam wa da leh nadooh ki por wa dang em ka United Khasi Jaiñtia kat hadooh ha ka Jaiñtia Hills Autonomous District Council.

Chooh chooh da ong wa da che leh wa waroh ki kaam toh kiwa da leh wei da mantre da ka Elaka Nongjngi, ka Raij Namdong ryngkat i krehlang wa ka chnong Namdong-A wei ha Thadmynri da man chnong ko hadien wa em ki bru wa chong chnong ha kani ka khloo.

Heijooh i por ka chnong Namdong ryngkat ka Raij Namdong waka Elaka Nongjngi daw hap ujor ki cha ka Meghalaya High Court sa chisien hajrong i pynbna ka Executive Committee wa ka Thadmynri haap ko hapoh u pood u ang ka Elaka Nartiang khlem pynbait tikna waroh arliang.

Related posts

Yooluti u Aiborlang Shadap wa ki paidbah u jied ki deiwa yoh boon paaid yow skem ha ki san snem

February 1, 2025

Wiar u khynroo wa em i duna na chnong Sohmynting

February 1, 2025

Kam wow pynkynmoo wa da em chwa ka mukotduma ha Meghalaya High Court heiwa ka JHADC lyngba ka Secretary ka Executive Committee, da pynbna ko ha ka 15-12-20 wa da pyndam noh yei tipmit ya ka chnong Thadmynri kam kawa em ha Elaka Nartiang kamwa da pynbna ha ka 07-10-20, wei hajrong ini ka High Court ha ka 16-12-20 da pynbna ko ya ini heiwa da pyntikna wa ka chnong Thadmynri haap ko hapoh ka Elaka Nongjgni.

Tangwa iwa pynphylla wa ha kani ka kynti du chwa ka Election, u CEM da wan pynbna u hapoh ka chnong Thadmynri wa da pynhaap ya ka chnong Thadmynri cha ka Elaka Nartiang lyngba ka Notification kawa da pynran tarik namo Back Date wei da em leh kiwa da yoh u riñ Video yeini wa klam u ha ka 23-01-25.

Hajrong ini waroh, ka chnong ka Raij hapoh ka Elaka Nongjgni ymye ki wow pdiang ya ini najrong wa dadep booh leh ya ka ujor ha ka Public Hearing wa da pynman hapoh Conference Hall ka JHADC wa ymye wow pdiang neibhah wa em ki ya ki kot ki sla wa sakhiat wow pynsabut wa ka Thadmynri haap ko hapoh ka Raij Namdong, Elaka Nongjngi ym kamwa leh ka Elaka Nartiang waka chnong Thadmynri kiwa rah du da ka Xerox Copy wow pynbiej ya ka Executive Committee wow leh ya ini i kaam.