Kam chibynta i pynkhreh ya ka Election JHADC 2025, ha ka 5 tarik uni u bnai, ki manbei, manpa, ki khynroo khyllood, kiwa chong yaaw ka chnong Jowai, da wan e kyrkhu kyrdoh kamjooh i kitbok kitrwiang ki ya u Khroo Lamsalanki Pariat uwa man u kyrtong samen wow yakhun ha kani ka Election MDC na 18-North Jowai Constituency.
Neiliang ki manbei, kiwa chong chnong da klam da khana ki wa ha kani ka Election yooluti ki wow kylla i pyrkhat pyrdaiñ kiwa chong chnong ha Jowai khamtam ha 18-North Jowai Constituency yow yoh noh ki da u bru wa kreh ya ki kaam kamjooh leh u wow kreh wow klam ym du neibynta ka Constituency wa yakhun u, yow pait yow klam ya ka Ri Jaiñtia waroh kawi.
Da ong ki wa katni da yoo maa leh iwa da hiar ka yaaw ka haat nei wan ki baar jylla wa wan khih wan kamai ya ka spah wa em ha Ri Jaiñtia khamtam ha ki yaaw ki haat.
Kamjooh leh da ban ki wa da toh u yoh MDC noh ki da uwa stat wa chemphang u wow kreh u chna ya ki aiñ, ymtoh de da kiwa tip du u klam donhi næ kiwa mih pyrtuid heipor Election hi-eh dep te chong sngi ha ki 4 snem 10 bnai won, kamwa man ya katni pathan iwa da pyntam ka sorkar sa chi snem yei por krehkaam ki MDC leh tang kawi ka aiñ ym em chna næ pynkrehkaam ki.
Discussion about this post