Ka Business Advisory Committee ka Meghalaya Legislative Assembly ynne da yachem ki ha kamra krehkaam u Lamphang, u Thomas A. Sangma ha Khyndailad, Police Bazar, Shillong yow pynbait ya ki tarik ka Dorbar Mang Tangka namo ka Budget Session 2025.
Ha kani ka yachemlang da wan wow embynta u Deputy Chief Minister uwa pait leh ya ka Parliamentary Affairs, u Prestone Tynsong, u Leader of Opposition, u Dr. Mukul Sangma, ki MLA kam u Charles Pyngrope wa u Lakhmen Rymbui deilang wa ki heh sorkar.
U Lamphang da pyntip u wa kani ka Dorbar Mang Tangka u man ko 10 sngi wei u sdang ko ha ka 28 tarik uni u bnai wei daw kut ko ha ka 13 tarik u bnai wo wan.
“Waroh daw em 10 tylli ki sngi man dorbar heiwa 3 sngi da booh neibynta ka Private Members’ Business wa 7 sngi neibynta ki Government Business,” da ong u.
Chooh chooh da ong u wa daw em i por neibynta waroh wow chimbynta wei lada jia wa duna por daw pyntam por wot haka sngi Friday leh.
Ha iwi won i liang da pyntip u wa i kreh ya ka yung dorbar thymme wa em ha ka Mawdiangdiang da ye wow pydep palat 90% i kreh pynchna wei i daw wa rap slem toh wa kwah u pyntikna wa man chngaaiñ i kreh wei ym em i duna heini heitai wei ha uni u snem hi manda pynman ya ka 2025 Autumn Session daw pynman ha kani ka yung dorbar wa thymme.
Discussion about this post