Ku cha 5 tylli ki takma deilang ka takma ksiar wa yoh kiwa yalehke ka Meghalaya ha ka National Games

Kiwa yalehke ka Meghalaya da pteiñ ki wow yoh takma ha ka 38th National Games kawa da pynman ha Uttarakhand heiwa kattæ da yoh ki 5 tylli ki takma iwa man leh iwa kat jooh iwa boon dooh iwa da yoh ka jylla heipor wa man ka 2007 National Games ha Assam.

U Vikash Rana da yoh u leh ya ka takma ksiar wa nyngkong dooh ka Meghalaya ha ka yakob Kayak Cross Extreme Slalom wei ka Elizabeth Vincent won da yoh ko ya ka takma rupa ha kani ka jooh.

U Indra Sharma dadep u wow yoh takma rupa ha ka Men’s Canoe Slalom C1 Event, katwa ka Kiran Devi waka B. Anandhi da yohlang ki ya ka takma tama ha ka Light Weight Women’s Double Scull deiwa kiñ lieñ chirup katwa u Pynshngaiñ Kurbah da yoh u ya ka takma tama ha ka Canoeing.

Ka Meghalaya kattu da ka kawi ka takma ksiar wa mar ar tylli ki takma rupa wa takma tama da yoh ko waroh 5 tylli ki takma yow em hei 25 na 32 tylli ki jylla wa chimbynta.

Ki jylla ki wym pu em yoh takma ksiar toh ka Assam, Bihar, Puducherry, Mizoram wa Sikkim.

Related posts

Rah ka Kur Nongtdu (Pyllun) ya ka 10th Open To All Knockout Football Tournament Fixed Prize Money 2026

July 13, 2026

Psiah Semi ka 12 Daloi ha ka Veterans Football Knockout Tournament ha Wahiajer

July 11, 2026

Kam wow pynkynmoo wa kani ka National Games daw pynkut ka ha ka 14 tarik uni u bnai wei da sdang ko ha ka 28 tarik u bnai wa nyngkong uni u snem.

U Montri Rangbah ka jylla, u Conrad K Sangma hawa e khublei ya kini kiwa yalehke, da ong u wa katni ka sorkar da e yarap ko da ka poisa, ka Scholarship deilang i kreh sorkar katkam ka Sports Policy yow pynchlur wei e mynsien ya kiwa yalehke ka jylla.