Paan jubab ka HANM na ka MeECL yei e kreh ko cha kiwa na baar jylla

Ka Hynniewtrep Achik National Movement (HANM) da paan pynche ko na u Chief Engineer ka Meghalaya Energy Corporation Limited (MeECL) yei e Contract ko cha ka Star Infratech Firm kawa man ka Company kawa na baar jylla.

U Vice President ka HANM, u Bawan Nongsiej da pynsñiaw u yei sñiawkhia wa kani ka Company ye u man wym biang ko ki kot ki sla nadooh ki Trading License, ki Labour License wa kiwi de katkam ki kyndon ka Khasi Hills Autonomous District Council.

U Bawan Nongsiej da ong u wa ki bru yong i leh ye hi ki wow leh ya kini ka Revamped Distribution Sector Scheme hapoh ka jylla wei ka sorkar toh u booh ko hakhmat ya ki bru ka jylla neibynta iwon iwon i kreh neibhah katni boon bha ki bru wym em kreh wei ktah bha ko yeini hawa yoh kreh da kiwa na baar.

Ka HANM da e por ko ya kani ka Star Infratech Firm chi tayaaw wow pynbiang ki kot ki sla wei lada ym ye ko, hap ko wow sangeh yei kreh.

Related posts

Hadien 24 sngi i yakhih pyndam ka sorkar Jharkhand ya ki ar tylli ki Exam | Phah takit ya ki Exam nadooh u snem 2014

August 17, 2026

Ujor FIR ka JNC pyrchah ya ka Facebook Page wa pynmih ya ka khubor thok pyrchah ya u President ka seiñ

August 17, 2026

Ka seiñ da pynbaad ko leh wa ka MeECL da pynlait poisa ko cha kini ki Company khlem da pyntikna wa biang ki kot ki sla wei ka sorkar toh u jubab ko yeini.