Yoh myntoi kiwa boon na ka Health Camp wa pynman ka UPHC Loomkyrwiang

Ka Urban Primary Health Centre Loomkyrwiang, Jowai ha ka thong krehkaam wow pynsuk pynjan ya ki paidbah wow yohlaad ki u phah pait phah sylli yei chait i khiah yong ki, ynne ka sngi da pynman ko ya ka Special Outreach Health Camp ha Yungwalieh ka Loomkyrwiang Dorbar Chnong.

Ha kani ka Speacial Outreach Health Camp da wan wow ya chimbynta ym du ki khon ka Dorbar Chnong Loomkyrwiang tangwa wot kiwa na baar dong baar chnong leh kiwa da yoh myntoi lyngba kani ka Health Camp deiwa yoh ki u leh ya ki Test wa ki dawai wa mynkna kiwa da e katkam i yatoh wei chitom yong ki.

Chooh chooh ha kani Special Outreach Health Camp najrong i em u Dr. W. Suna, Medical Officer I/c UPHC, Loomkyrwiang da embyntalang leh da ki bru ka Bansara Eye Care Clinic, Jowai wei da leh kyrpang ki ya ka Free Eye Check-Up deilang i e ya ki dawai mynkna.