Kiwa tem wa pawnaam ha pyrthai wa tip kam ki Mr. Big daw wan tem ki ha ka Bloomverse Festival 2025 wa daw pynman ha Meghalaya kam chibynta ka The BIG Finish Tour wei daw man ko leh kawa daw sahkynmoo heiwa u Eric Martin (Vocals), u Paul Gilbert (Guitar) wa u Billy Sheehan (Bass) da wan ki cha India hei sien wa khaddooh.
Daw tem ki leh ya waroh kawi ka Album ki kawa pawnaam bha kawa da dai da ki Million Copy wa tip kam ka ‘Lean Into It’ wa em i sur kam i ‘To be with you’, ‘Green-Tinted Sixties Mind’, ‘Just Take My Heart’ wa kiwi de najrong ki sur ki na kiwi de ki Album wei daw man ko ka miet wow sahkynmoo ya kiwa maya sur.
Kani da man ko leh ka wym hoi de u dam u lai ya kitu kiwa maya Rock Music wei da pynman ya ka deilang waka Meghalaya Tourism.
Ka tarik wow pynman toh ha ka 14 tarik u bnai February ha Lum’er Pyngngad, Umiam, Meghalaya.
Kiwi de kiwa daw tem toh u Anuv Jain, The Midnight, The Yellow Diary, u Lifafa, ki BLOT!, wei daw em leh kiwa pawnaam na Northeast kam ki Lucid Recess, u Bishrut Saikia, ka Meba Ofilia, u Chorun Mugli, u Meewakching wa ki Polar Lights.
Daw em leh ki Art Installation ki wow pynyoo yei sap ki bru, ki jait baam wa boon jait, ki jait dih leh wa harukom.
Kani man ko leh ka laad ya ki paidbah wow e khublei khaddooh ya ki Mr. Big, ki wow yapra noh hadien kani.
Ya ki Ticket ye phi wow yoh na i thaw wa pynman ya kani ka Bloomverse Festival heiwa i dor man ko Rs. 2999 samen (GA), em leh ka Valentine’s Couple kawa Rs. 3499 neibynta ki chi jur wa ka Fan Zone kawa Rs. 4499 samen.
Ye leh wow thied Ticket deiwa lai ha ini i link.
https://www.skillboxes.com/events/bloomverse-festival-meghalaya-feat-mr-big
Discussion about this post