Pynskem ka Supreme Court yei pyndam ka sorkar Meghalaya ya ka CMJ University

Ka Supreme Court ka ri India da pynmih hukum ko wow pyndooh pyndam noh ya ka CMJ University ha Meghalaya, yow pynksan yei rai ka sorkar jylla ha u 2014 yow khang noh ya kani ka skurbah neidaw wa em chiboon wa leh bakla nadooh i pynlai wa i rukom thung bru iwa pyrchah ya ka aiñ.

Ka miej bichaar u Justice PS Narasimha wa u Justice Sandeep Mehta da pynskem ki ya ka hukum wa pynmih da ka Meghalaya High Court ha u snem 2021. Ka Supreme Court da chem ko leh wa biang hi i tyrwa u Lat ka Meghalaya uwa man kam u Visitor kani ka University uwa da phah wow pyndam noh ya u Chandra Mohan Jha (CMJ) kam u Chancellor wei wow pyndam noh ya kani ka University najrong wow pyndam noh leh ya ki Ph.D, M.Phil wa B.Ed Degree wa da e ko khlem da bood ya ki kyndon.

Ka Supreme Court da ong ko wa ka Division Bench ka Meghalaya High Court da bakla ko du iwi donhi deiwa phah ya ini i kaam cha ka Single Judge Bench yow pait deiwi, neibhah i rai ka sorkar jylla wow pyndam ya kani ka skurbah toh hadien wa chem chiboon i leh iwa man pyrchah kyndon da ka CMJ University.

Ha u 2014 da pynmih hukum da ka sorkar Meghalaya kawa da ong wa da em chiboon i thung kreh wa man pyrchah ya ka aiñ, i wym biang i rukom pynlai poisa poilaiñ hadooh i thung ya u Chancellor leh man ko pyrchah ya ka aiñ wei ym em leh wan e ya ki Report wym hoi u dam wei da lai pynheh deiwa chna Campus cha kiwi ki thaw khlem da yoh bor.

Related posts

Khyrngiat u DC yei em 560 tylli ki kreh wa lait ha West Jaiñtia Hills District: HITO Jowai Circle

May 28, 2025

Pynhaap ka DMO ya ki chong Pnar chapoh ka West Karbi Anglong, lai paan pynche ka PSM

May 28, 2025

Ka Supreme Court da kdaw ko leh wa ka sorkar Meghalaya da e ko ya ka CMJ University chiboon i por yow pynbait yeiwa bakla ko wei i rai pyndam noh ka toh hadien wa da biang bha ki sabut wa pynsakhiat yeiwa da lehbakla.