Kam chibynta wow pyntikna wa kani ka Election MDC 2025 cha ka JHADC man ko kawa khooid wa laitlooid wei kawa bood ya waroh ki kyndon wa da booh da ka Election Commission of India (ECI), kamtæ neiliang u District Magistrate ka East Jaiñtia Hills District da pynmih hukum u hapoh ka Section 163 BNSS, yow khang yei pynemkaam ya ki tanghæng namo ki Public Loudspeakers kamjooh i pynman ya ki yalang paidbah deilang ki lai paidbah.
Ini man ko neibynta ka 48 kynta kawa da kheiñ nadooh 4:00 waje i janmiet ka 19 tarik hadooh ka kut i thap Vote ha ka 21 tarik uni u bnai.
Kani ka hukum da khang ko leh wow phah SMS chiboon (Bulk Messaging) kam chibynta wow yalap Election kamjooh wow beiñ ya kiwi kyrtong næ ki Political Party wei wow pynmih leh ya ki Exit Poll da ki News Channel næ ki Social Media Platform.
Da khang leh yei em kiwa yalap Election kiwa wan ba baar ka Constituency ha kini ki 48 kynta kawa da kheiñ kam ka Silent Period.
Discussion about this post