U District Election Officer ka West Jaiñtia Hills District da pyntip u wa heiyatoh wa i niaw Vote ya ka Election MDC ka Jaiñtia Hills Autonomous District Council wa daw pynman ha kani ka 24 tarik deiwa sdang heipor 8:00 waje i step, hajrong ini, i pynkrehkaam ya ka Section 163 BNSS wa da pynbna ha ka 27-01-25 u pteiñ hadooh wa pyndep yei niaw Vote.
Da khang wow psiah ki bru 200 Metre na soodong u pood ka thaw niaw Vote kawa man leh ka Office u DC ha Jowai wei u chah du kiwa leh ya ka Election Duty kiwa em ki Identity Card næ ki Pass wa da e da u Returning Officer wow em ki hapoh ka 200 Metre.
Yeini da leh neidaw wa nachwa da chem yei rukom booh kari kulmar cha rood sarok hajan ka Office u Deputy Commissioner kamjooh kiwi ki sarok wa em hapoh ka chnong ka thaw wa kiwi ki thaw wei ye u em leh ki bru wow chim kabu yei boon bru deiwa pynthut yei rukom krehkaam ka aiñ.
Wei kamwa jooh man daw em leh kiwa daw lai chaad hadien wa jop iwa daw ye wow pynchrai pynchit ya kiwi.
Kamtæ hapoh ka Section 163 BNSS, 2023 neiliang u A.K. Singh, District Magistrate West Jaintia Hills District, Jowai da khang u wow em kiwon kiwon ki bru ki wym em ki kot ki sla wa biang wow psiah ki chapoh ka thaw thap Vote wei wow em ki hapoh 200 Meter na ka thaw niaw Vote ha ka 24-02-25.
Da khang wow psiah kiwon kiwon ki jait kari hapoh 200 Metre na ka thaw niaw Vote.
Da khang leh wow pynemkaam ya ki tanghæng hapoh 200 Metre na ka thaw niaw Vote.
Da khang yei pynyieñ kari kulmar ha u sarok National Highway 44, ki State Highway wa ki District Road.
Da khang wow rah ki tiar pynmynsoo næ kiwon kiwon ki tiar da kiwa kyrchaan yong uwon uwon u kyrtong deiwa thmu wow pynkulmar.
Da khang leh yei pynman yei lai chaad næ ki lai paidbah da ki kyrtong wa jop hapoh 48 kynta wa hapoh 200 Metre na ka thaw niaw Vote hadien wa da pynbna Result.
Da khang leh wow yalang bru palat 5 ngut hapoh 200 Metre na ka thaw niaw Vote wot hadien wa da kut ka niaw Vote.
Discussion about this post