Ka HANM Jaiñtia Zone hapoh i yahkhmat yong u Pynshngain Papang kam u President yong ka Zone, wa u Thomas Sutlong kam u Working President wa ki dkhot yong ka HANM East Jaiñtia Hills District hapoh i yahkhmat u Comingsoon Dkhar kam u President da pyrchah joor ki yei thmu wanrah luti rel hadien wa da yoo yei klam u Montri sorkar, u Kyrmen Shylla.
Ka seiñ da ong ko leh wa da yoo ha ki khubor wa ong u wa chong ha ki nong Jaiñtia lada chah næ ym chah ki ya kani ka luti rel, hajrong ini, neiliang ka seiñ klam ko deiwa che cha u Montri wa ka sorkar hi ym ye ko u chah ya ka luti rel kat wym pu yoh ya ki laad yada da kiwa skem kam ka ILP wa kiwi ki de ki laad yada.
Chooh chooh ka seiñ da ong ko wym emkaam ya ka Public Hearing næ u pynsñiaw paidbah neibhah neiliang yong phi kam ka sorkar phi tip che phi wa ki paidbah leh ym kwah ki la man katwa man leh.
Sa kawi leh kwah ka seiñ wa ka sorkar jylla toh u pynkynmoo ko ya ka sorkar pyrdi heiyatoh waka ILP kawa i kam ki khon yong ka jaitbru yooluti wei angnood i waroh chi kattu.
Puræ leh: Luti rel: Emkaam wow pynman da ka Public Hearing yow tip iyi kwah ki paidbah
Discussion about this post