Kawi ka bru kawa 35 snem i rta kawa na East Jaiñtia Hills District da yoh wow pynlait ka na Delhi hadien wa em ki bru wa da mut wow dai ka chapoh ki kaam dakait.
Ka KSU Dehli Unit da pyntip ko wa ha ka 7 tarik uni u bnai da em wa pyntip cha ki yeiwa em kawi ka bru kawa da yoh u yut na kti ki bru wa mut wow chalan ka cha kam kini ki kaam.
Neiliang ka seiñ da lai ko wut-wut cha kani ka thaw heiwa da chem wa kani ka bru da wan ko cha Delhi deiwa em wa kular wow e kreh ya ka kam kawa chakri yung tangwa manda poi da em ki bru wym tipmit ko kiwa wan deiwa kam wow lai kit ka chei thaw kreh ko.
Mar ya jia ini, da sñiawthooh ko wa kini ki bru da thmu ki wow lai dai ka cha ki bru wa pynlai dakait ya ki kynthai, kamtæ da yut ko na kini ki bru mar ya yoh laad ko heiwa da chem ka na Old Delhi Railway Station deiwa lai lang ka KSU Delhi Unit deilang wa ki pulit ka Special Police Unit for North-Eastern Region (SPUNER).
Da yarap leh ya kani ka bru u e FIR wei da yarap ya ka wow lai liwan biang ko chei chnong ko deiwa kyrchaan poisa u MLA ka Jowai u Wailadmiki Shylla.
Neiliang ka seiñ da e khublei ko ya u D. Dkhar uwa na Raliang, ya ka SPUNER wa ki Delhi Police yei smat ki wow leh yei kaam. Da e khublei leh ya u MLA ka Jowai yei e yarap u da ka poisa.
Ka seiñ da ong ko wa da chem wa jia kam ini neipor cheipor ya ki bru napoh ka jylla yong i, kamtæ hap wow man kiwa syndong khamtam hawa lai thooh kreh cha baar ka jylla wei lada em kiwa wan thooh kreh cha Delhi næ ha ka thaaiñ ka NCR wow pyntip chwa cha ka seiñ lada em kiwa tyrwa kreh da kiwon kiwon.
Discussion about this post