Kam chibynta wow pynchlur wow em i mynsien yaleh Sports hapoh ka District khamtam neibynta ki kynthai, neiliang ka Directorate of Sports & Youth Affairs ka sorkar Meghalaya deiwa ya krehlang wa ka yung krehkaam ka District Sports Officer, East Jaiñtia Hills District wa ka Rymbai Government Higher Secondary School Khelo India Centre, ha ka 8 tarik uni u bnai da pynman ki da ka yakob siat khnam namo ka Archery Tournament ha madan Rymbai Wahshnong, East Jaiñtia Hills District.
Da wan wow sakhi yeini da ka District Sports Officer (DSO), East Jaiñtia Hills District, ka Stephanie M. Rapsang, ka Principal ka Rymbai Government Higher Secondary School, ka Younilas Lamare, u Finance Secretary ka chnong Rymbai, u C.F. Bareh, u General Secretary ka East Jaiñtia Hills District Sports Association (EJDSA), u Coming Tlang deilang wa kiwi de.
Ha kani ka Tournament da wan wow chimbynta da ki kynthai kiwa da yabhah ha ka kyrdan Senior, Junior wa Sub-Junior.
Ya kiwa jop da e da ka song poisa heiwa kiwa yoh nyngkong da yoh ya ka song poisa kawa Rs. 1500, kiwa yoh wa ar da yoh ki Rs. 1000 katwa kiwa yoh wa le da yoh ki Rs. 500.
Ha ka kyrdan Senior Individual Category, ka Isabella Tlang da yoh nyngkong ko, hei wa ar da yoh ka Gratify Nongpluh katwa hei wa le da yoh ka Aibanhun Lyngdoh.
Ha ka Junior Individual Category, ka Jasmine Nongpluh da yoh nyngkong ko, hei wa ar da yoh ka Ebanroiki Bareh katwa hei wa le da yoh ka Fatima Lyngdoh.
Ha ka Sub-Junior Individual Category, ka Philawanshwa Thoo da yoh nyngkong ko, ka Tredaka Nongtdu da yoh wa ar ko katwa ka Victoria Rymbai won da yoh wa le ko.
Discussion about this post