Ha ki thaw wa man sor em 510 tylli ki SHG, 41 tylli ki wym em krehkaam

U Symbood Montri Rangbah uwa pait ya ka chnat Urban Affairs, u Sniawbhalang Dhar da pyntip u wa nadooh u snem 2014, da em 510 tylli ki Self Help Group wa da seiñ ha ki thaw wa man sor ka jylla hapoh ka Deen Dayal Antyodaya Yojana National Urban Livelihood Mission, wei 41 tylli ki SHG toh ki wym em krehkaam.

Yeini da pyntip u Montri hawa jubab yeiwa da kylli da u MLA ka VPP na North Shillong, u Adelbert Nongrum.

Hawa jubab chooh chooh, u Sniawbhalang Dhar da ong u wa da e Rs. 10,000 yow yarap u sdang ya ki SHG ha ki thaw wa man sor ka jylla wei ka sorkar da kyrpaad ko leh ya ki SHG wa khlem krehkaam wow pynim biang ki.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Hawa pyntip, u Montri da ong u wa ka poisa wa da e yow sdang ya ki SHG phær ko ha sor wa cha palatsor neibhah wa cha palatsor i e yarap poisa yow sdang ya ki SHG man ko du Rs. 2500.

Hawa pynche chooh chooh hajrong ka rukom e poisa, neiliang u Montri Rangbah, u Conrad K Sangma da ong u wa ka NULM wa NRLM toh ki Scheme ka sorkar pyrdi wei toh i jooh i dor kamwa da mang ha waroh kawi ka ri da mang leh ha Meghalaya, wei ha ki thaw wa em cha palatsor ka NRLM da mang kamjooh kamwa da mang ha waroh kawi ka ri India.