Kyrriah ka chnong Tangnub ya ki tarik pynman Fete wei da pynkhian dor Ticket Lucky Draw

Ka Dorbar Chnong Tangnub, East Jaiñtia Hills District da pynbna paidbah ko wa ya ki tarik pynman Fete wa da thmu u pynman haka 13 wa 14 tarik uni u bnai kamwa dadep chon ha ki Ticket Lucky Draw, da kyrriah noh cha ka 26 wa 27 tarik uni hi u bnai na ki daw wym ye u kiar.

Neitæ ka madan wa thmu pynman ha madanbol Tangnub leh da kyrriah cha madan u Rijeel Chyrmang kawa em ha Umpleng Market, East Jaiñtia Hills District.

Ki jait pynwyrngai ha katai ka sngi pynman Fete kynthup ka yadaw masi wa daw em pyn ar sngi.

Daw wan chaad ki khloor chaad wa bna naam ka Ri-loom Jaiñtia, haka 26 tarik nadooh i por 7:30, wei daw em leh i chaad DJ haka 27 tarik nadooh i por 7:30 i miet.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Daw em leh ka Bumper Housie ha waroh ar miet heiwa ka 27 tarik ka 1st Prize toh Rs. 1,00,000, 2nd Prize Rs. 50,000 wei neibynta waroh ki Line won Rs. 10,000 uwi.

I por lehke Housie toh nadooh 10:30, i dor Ticket Rs. 300 tyngka chi sla, wa Rs. 500 ar sla. Neibynta kitu wa kwah u thied Online ye ki u Phone ha uni u Number-8787502114.

Ya ki Ticket Lucky Draw won daw pynkhle haka 27 tarik hadien wa kut i chaad DJ, wei kamwa man kattæ yei dor Ticket Lucky Draw leh da pynduna na ka Rs. 30 chi sla cha ka Rs. 25 chi sla, wei ka Prize wa nyngkong yong ka Lucky Draw toh ka Kari Alto K10, ka Prize wa ar ka Scooty, ka Prize wa le won da ka Laptop.

Kamtæ da kyrpaad ya ki paidbah u wan chimbynta chongchit ki cha kani ka Fete wa ar sngi yong ka chnong Tangnub wei wow ya thied leh yaki Ticket Lucky Draw hei dor wa du Rs. 25 tyngka chi sla.

Kiwa kwah u thied Online leh ya ka Lucky Draw ye ki u thied deiwa Phone ha uni u Number- 8014891116.