Jop uwa na Byndihati ya ka Bolero wa pynkhle ka Seiñ Kyntu Seiñ Raij 12 Daloi

Ka Seiñ Kyntu Seiñ Raij 12 Daloi ynne da saam ko ya ki Prize Lucky Draw cha kiwa jop ha ka yalang wa da pynman ha yung krehkaam yong ka wa em ha Phramer West Jaiñtia Hills.

Hachwa u saam ya ki Prize da yoh ya ki kyntien ngooh Blai na u Moses Lyngdoh wa ki kyntien khublei wei kitbok kitwriang ya waroh kiwa da embynta ha ka Fete wa dadep pynman ha ka 7 wa 8 tarik uni u bnai.

Ya kini ki Prize cha kiwa jop da saam da u President wa u General Secretary deilang ki waheh yong ka seiñ.

Kam wow pynkynmoo wa ka Seiñ Kyntu Seiñ Raij 12 Daloi da pynkhle ko ya ka Lucky Draw heiwa ya ka 1^st Prize toh da ka kari Bolero, ka 2^nd Prize da ka kari S-Presso katwa ka 3^rd Prize won da ka Scooty.

Related posts

Da jied ya u Robert Francis Prevost kam u Pope wa thymme

May 8, 2025

Pynkhreh ka sorkar wym duna baam ha Meghalaya lada toh joor ka thma

May 8, 2025

Kiwa jop ya ka Lucky Draw man ki kamni ha wah:

Ya ka 1st Prize da jop da u Ferdinal Shylla uwa na ka chnong Byndihati, East Jaiñtia Hills uwa thied ya ka Ticket No. 6455.

Ya ka 2nd Prize da jop da u Bechousme Shylla na ka chnong Khliehtyrchi, West Jaiñtia Hills uwa thied ya ka Ticket No. 33090.

Ya ka 3rd Prize da jop da u Dening Siangshai na ka chnong Jalyiah, East Jaiñtia Hills uwa thied ya ka Ticket No. 32923.