Da pynman ya ka Asmita City League ha Jowai

Ka Asmita City League kawa man ka yakob yalehke Sports wa kyrpang neibynta ki kynthai kawa man kam chibynta ka Khelo India Scheme, da pynman ka leh ha Jowai ynne ha Kiang Nangbah Stadium, Jowai wei kani ka “ASMITA” mut ko “Achieving Sports Milestone by Inspiring Women Through Action”.

Da pynman ya ki yaphet pyllah nadooh ka 100m, 200m, 800m, 1500m neitæ Shot Put, Long Jump kiwa man neibynta ki kynthai wa em hapoh 20 snem wa ka Badminton neibynta ki kynthai wa em hapoh 19 snem wa ka Open Category.

Ha ka 100m da yoh nyngkong ka Wankynsai Pyrtuh, da yoh wa ar ka Eligency Susngi katwa hei wa le da yoh ka Navarre Laloo.

Ha ka 200m da yoh nyngkong ka Hakini Shullet, hei wa ar da yoh ka Felicyjune Suiam katwa hei wa le da yoh ka Eligency Susngi.

Related posts

District Cricket League: Jop ka Mupliang ya ka NEAU

May 9, 2025

U-20 Men’s National Football C’ship: Psiah Semi ka Meghalaya

May 9, 2025

Ha ka 800m da yoh nyngkong ka Deisaphi Shadap, hei wa ar da yoh ka Larihun Suiam katwa hei wa le da yoh ka Stacyroy Sutnga.  

Ha ka 1500m da yoh nyngkong ka Deisaphi Shadap, hei wa ar da yoh ka Larihun Suiam katwa hei wa le da yoh ka Dalawanhi Suchiang.

Ha ka Shot Put da yoh nyngkong ka Ewanmisa Suting, hei wa ar da yoh ka Wankynsai Pyrtuh katwa hei wa le da yoh ka Rikduplang Talang.

Ha ka Long Jump da yoh nyngkong ka Graceful Panoh, hei wa ar da yoh ka Daphishisha Dkhar katwa hei wa le da yoh ka Riyoka Talang.

Ha ka Badminton ka yalehke Singles da jop ka Nihaka Lamare wei da yoh wa ar ka Dabiangsakani Lyngdoh.

Ha ka Open Category Singles da jop ka Josefina Dala Passah wei da yoh wa ar ka Pretty M Sumer.

Ha ka Girls Open Doubles da jop ka ka Josefina Dala Passah wa ka Pretty M Sumer deiwa pynrem ya ka Nihaka Lamare wa ka Dana Angelika Phyllei.

Ha ka Girls Under 19 Doubles da jop ka Aureliana Estefany Passah wa ka Dabiangsakani Lyngdoh deiwa pynrem ya ka Nihaka Lamare wa ka Dana Angelika Phyllei.